我而家長期定居喺馬來西亞，呢度一年四季都係熱辣辣嘅夏天。 早前 12 月我就去咗一趟長白山， 嗰度嘅極寒天氣真係令我嘅「護膚清單」多咗一位救命恩人！ 今日就同大家更新呢份 2026 年必入平價好物清單 ， 睇吓邊 6 款係我近期就算去到極端天氣都要帶埋佢嘅「真愛」！ 1. 敏感肌「神水」：BIODERMA 深層卸妝潔膚水 (Sensibio H2O) 呢支可以話係我 10 年 Blogger 生涯中用過最多次嘅卸妝水。 雖然我住喺馬來西亞咁熱嘅地方， 但佢完全唔會令皮膚感到負擔。專利脂肪酸酯微粒技術， 抹一次就帶走污垢，唔洗過水， 絕對係懶人同埋皮膚敏感時期嘅首選。 米奇短評： 溫和到好似水咁，眼唇都用得，唔會令皮膚敏感。 參考價錢： HK$134 / 500ml 2. 雪地的救命草：La Roche-Posay B5 萬用修復霜 (Cicaplast Baume B5+) 雖然我平時住喺大馬，唔會有轉季乾燥嘅煩惱， 但 12月去 長白山 旅行嗰陣，零下幾十度嘅天氣真係令我崩潰！ 當時我嘅臉部同手腳皮膚乾到出現 龜裂、甩皮，仲隱隱作痛 。 好彩我帶咗呢支 B5+，佢嘅修復力真係神級！ 我連續幾晚厚敷喺乾裂位置，佢入面嘅益生菌萃取同維他命 B5 即刻幫我滋潤返， 第二日起身龜裂嘅痛感消失晒，皮膚變返柔軟。 米奇短評： 無論係大馬暴曬後嘅修復，定係去寒冷地方救命， 呢支都係我化妝袋必備嘅萬用神霜。 參考價錢： HK$156 / 100ml 3. 抗氧化淡斑：La Roche-Posay Mela B3 抗瑕淡斑精華 住喺熱帶地方，防曬同美白真係終身事業。 呢支 Mela B3 含有專利 Melasyl™ 同 10% 煙醯胺， 專門對付黑色素同頑固豆印。 米奇短評： 質地好清爽，就算喺大馬咁潮濕嘅天氣用都唔會覺得黐立立， 用咗半支膚色明顯透亮咗。 參考價錢： HK$345 / 30ml 4. 戶外活動最強防曬： La Roche-Posay 全效廣譜輕盈防曬乳 (UVMune 400) 以前最怕防曬又油又厚，但呢支「大哥大」防曬徹底打破偏見。 佢專利嘅 UVMune 400 技術可以防禦極長波 UVA， 係目前市面上防護力最強嘅防曬之一。 米奇短評： 質地好似水感乳液咁，查完完全「無感」， 唔會影響後續上妝，去旅行曬足一日都無黑到！ 參...
♡ 我相信美麗不只是靠天生麗質也要靠後天努力，從小學會保養，那麼年紀來了，看起來也不像那個年紀。