結咗婚已經有三個月時間， 終於有時間繼續寫返關於婚禮既Blog。 係沖繩行完婚禮好多人都讚姊妹裙好靚好夢幻， 所以今想同大家分享姊妹裙。 問過身邊好多朋友，原來通常姊妹裙既顏色同款式係新娘揀比姊妹， 所以姊妹淨係上去度尺寸就可以。 好彩我既姊妹唔太多，可以一齊商量想着咩顏色。 因為我籌備婚禮嘅時間唔多， 所以係婚禮前二個月左右先訂姊妹裙。 好彩係Facebook搵到一間快靚正既姊妹裙， 先可以趕得切係10 月底拎到衫。 第一次同姊妹上去fitting 已經睇中左呢條勁夢幻嘅姊妹裙， 如果有睇2018年 wedding dress trend都知道嗰時好流行雙色紗裙， 估唔到呢度都有粉紅色平粉藍色嘅紗裙， 而且摸落去質地唔錯。 其實訂姊妹裙預得越多就越平， 有唔少朋友因為想湊夠數慳返少少而搵多啲姊妹， 其實都唔係慳得好多。 由於我有四個姊妹，所以當時價錢係$380一個， 呢個價錢係度身訂造，拎裙嘅時候可以包一次改。 婚禮當天的照片～ 總括而言，呢間姊妹裙專門店真係值得推薦比大家。 除咗價錢合理、姊妹裙質地唔錯之外，老闆娘態度勁好。 我當時去訂姊妹裙，冇講自己係Blogger佢亦唔知道我會分享上網， 佢都依然好有耐性解答我問題而且我不停催單佢都冇唔耐煩。 如果大家想知道係邊間可以留言或者PM我～ #姊妹裙 #夢幻婚禮 #婚享 #花球 #伴娘裙推介 #伴娘裙香港 #姊姊裙推介2019 更多關於籌辦婚禮的文章： bride-to-be 2018 丨我被求婚了！丨我們的愛情故事 婚前的瘦身大作戰→ elyze皇牌「Coolsculpting冷凍溶脂」療程 bride-to-be 2018丨我們的沖繩自拍婚照丨自拍婚照道具、技巧分享 bride-to-be ｜Vigene BURN20清糖減脂計劃 ｜20日減走4.6磅純脂肪（上） bride-to-be 2018丨 CP值爆棚丨找到我的第一個花球 婚享｜未婚夫終於搵到佢嘅the one 婚享丨我的沖繩夢幻婚禮丨自費推薦的 ...
♡ 我相信美麗不只是靠天生麗質也要靠後天努力，從小學會保養，那麼年紀來了，看起來也不像那個年紀。